အပိုင်း(၂)
@@@@@@@@@@@@@@@@
နောက်တစ်နေ့ သူနှင့် ၀ဿန် ဆုံဖြစ်တဲ့အကြောင်း ၊ သူ့ရင်ထဲကခံစားရတဲ့ အကြောင်းတွေကို ကိုအောင် ကိုပြောပြတော့..........
``အဲဒါ အချစ်ဘဲ သူငယ်ချင်း မင်းတကယ်ဝဿန်ကို
ချစ်မိသွားတာဘဲ´´
``ငါလည်းထင်တယ်´´
``တင်မနေနဲ့ ဟေ့ကောင် ၊ မြန်မြန်လှုပ်ရှားကွာ ၊
သူများမဦးခင်´´
``အေး..ငါလည်းစဉ်းစားနေတယ်´´
``အေး...စဉ်းစား..စဉ်းစား...၊ ပြီးမှ သူများနောက်
ပါသွားမှ မျက်ရည်ပိုးပိုးပေါက်ပေါက် လာမကျပြနဲ့´´
``မင်းကလဲကွာ မဦးမချွတ်´´
``ဟာ..ဟိုမှာ ပြောရင်းဆိုရင်း ၀ဿန်ဒေ၀ီ အဖွဲ့
ကြွချီလာပြီ´´
သူလှည့်ကြည့်လိုက်တော့
တစ်ယောက်ကိုတစ်ယောက် စနောက်ရင်း ၀ဿန်တို့အဖွဲ့ လာနေတာကိုတွေ့ရသည်။ ၀ဿန်က
သူ့ကိုမြင်သွားတော့ ပြုံးပြပြီး သူတို့ထိုင်နေသောဝိုင်းကို
ဦးတည်ပြီးလျှောက်လာလေသည်။ အကုန်လုံးဝင်ထိုင်ပြီးချိန်မှာတော့ ၀ဿန်က
သူ့သူငယ်ချင်းတွေနဲ့ မိတ်ဆက်ပေးလေသည်။
``ကဲ...အားလုံးပဲ ၀ဿန်က စပြီးမိတ်ဆက်ပေးမယ် ။
ဒီတစ်ယောက်က ၀ဿန်တို့အဖွဲ့ရဲ့ ပဲအများဆုံး
ဝတ်ရည်တဲ့´´
``ဟဲ့ .. ၀ဿန်မ နင်နော်´´
``ဟေ့..မဟုတ်လို့လား´´
``အင်း..ဟုတ်တယ်´´
ဆိုတော့ အားလုံးရယ်ကြသည်။ ဆက်ပြီး ၀ဿန်က.....
``ဟုတ်နေတာကို ပြောနေသေးတယ်၊
ဒီဘက်ကတစ်ယောက်ကတော့ ၀ဿန်တို့အဖွဲ့ရဲ့
အရပ်အပုဆုံး သီတာတဲ့´´
``၀ဿန်မနော်....နင်တွေ့မယ်´´
``အခုလည်းတွေ့နေတာဘဲလေ။ ဟိုဘက်ကနှစ်ယောက်
ကတော့ ၀ဿန်တို့အဖွဲ့ရဲ့ ဖြူဖြူဖွေးဖွေး လှတပတ
သုံးယောက်ထဲကိုမှားပြီးရောက်လာတဲ့ ကုလားညီအစ်ကို
သူရ နှင့် ဇော်ဇော် တဲ့´´
``၀ဿန် နင်နာတော့မယ်´´
``မဟုတ်လို့လား..ငါပြောတာ´´
ဝတ်ရည် နှင့် သီတာ ကလည်း ပြိုင်တူပင်.......
``ဟုတ်တယ်လေ...ကုလားညီအစ်ကိုလေ´´
အကုန်လုံး
ဝိုင်းရယ်ကြလေသည်။ တော်တော် အစအနောက် သန်တဲ့အုပ်စု။သူကလည်း သူ့နာမည် နှင့်
ကိုအောင် နာမည်ကို မိတ်ဆက်ပေးတော့ အရပ်ပုပု သီတာက .....
``ကိုအောင်ဆိုတော့ ကောင်ကိုပေါ့နော်´´
ပဲများတဲ့ ၀တ်ရည်ကလည်း.........
``အော်.... မပျိုဘဲနဲ့ အိုနေတဲ့ အကောင်အိုပေါ့နော်´´
လို့
စလိုက်လျှင် ကိုအောင်မျက်နှာက ရှုံတွနေလေသည်။ ကိုအောင် ပုံစံကိုကြည့်ပြီး
ဝိုင်းရယ်ကြပြန်လေသည်။ အဲဒီနေ့က စပြီး ကိုအောင် နာမည်ပျောက်ပြီး
အကောင်အိုဖြစ်သွားလေသည်။သူ့ကိုတော့ ကိုမျိုးလို့ဘဲ တညီတညွတ်တည်း ခေါ်ကြသည်။
တော်သေးသည် သူ့နာမည်ကို မဖျက်ကြလို့.....ဒီလိုနဲ့ဘဲ သူတို့တွေ
သူငယ်ချင်းဖြစ်သွားကြလေသည်.....။
@@@@@@@@@@@@@@@@@@@@@@@@
ဆက်လက်ဖော်ပြပါမည်.......
ကြိုးစားလျှက်..........
♥♥♫ချစ်သူမောင်♫♥♥
No comments:
Post a Comment